Oktyabrın 4-də 74-cü Beynəlxalq Astronavtika Konqresində “Səudiyyə Kosmik Agentliyi elm haqqında: eksperimentləri və təsirləri araşdırmaq” adlı plenar iclas keçirilib.

Plenar iclasda çıxış edənlər bildirib­lər ki, Səudiyyə Ərəbistanı elmə verdiyi töhfələri genişləndirmək üçün müxtəlif missiyaları yerinə yetirmək məqsədi daşıyan və bu yaxınlarda başlatdığı davamlı İnsan Kosmos Uçuş proqramı­nın bir hissəsi olaraq, Səudiyyə Kosmik Agentliyi on günlük bir missiya üçün Beynəlxalq Kosmik Stansiyaya ilk ərəb qadın da daxil olmaqla astronavtlar göndərib.

Diqqətə çatdırılıb ki, astronavtlar Krallıqda tələbələrlə 3 interaktiv təhsil maarifləndirici eksperimentdə mikroq­ravitasiya mühitində 11 tədqiqat təcrü­bəsi həyata keçirib, insan tədqiqatı, hü­ceyrə elmləri və bulud toxumçuluğuna yönəlmiş eksperimentlərin ümumi sayı­nı 14-ə çatdırıblar.

Müzakirə zamanı 12 mindən çox səudiyyəli tələbənin kosmos elmləri və onun Yerdəki həyatı yaxşılaşdırmaq po­tensialı haqqında anlayışlarını artırmaq üçün Beynəlxalq Kosmik Stansiyanın eksperimentlərində fəal iştirak etdikləri bildirilib.

***

Dünən 74-cü Beynəlxalq Astro­navtika Konqresində "Çin Kosmik Stansiyası qlobal kosmosun kəşfiy­yatından faydalanır" adlı plenar iclas keçirilib.

Tədbir Beynəlxalq Kosmik Agent­liyin Asiya üzrə ofisinin direktoru Linqi Zu moderatorluğu ilə keçirilib.

İclasda Çinin Tiangong Kosmik Stansiyasının uğurlarından danışılıb. Bunun insanların kosmos haqqında dü­şüncələrində yeni bir mərhələ açacağı qeyd edilib.

Paneldə Çin Kosmik Stansiyasının müxtəlif aspektləri, o cümlədən, ümumi sxemi, tikinti prosesi, texniki göstəricilə­ri, kosmik elm və tədqiqat obyektlərinə baxışı müzakirə edilib. Çinin açıqlıq və paylaşma inkişaf konsepsiyasına sadiq qalmağa davam edəcəyi və kosmos­dan dinc istifadəyə sadiq olan ölkələr və regionlarla daha çox və daha dərin praqmatik əməkdaşlıq edəcəyi vurğu­lanıb.

***

Oktyabrın 4-də 74-cü Beynəlxalq Astronavtika Konqresi çərçivəsində ADA Universitetinin tələbələri ilə ast­ronavtlar arasında görüş keçirilib.

Tədbirin açılışında ADA Universite­tinin prorektoru Fariz İsmayılzadə çıxış edib. Daha sonra Azərbaycan Res­publikasının Kosmik Agentliyinin təhsil meneceri İmran Muxtarov tərəfindən tələbələrə müvafiq qurumun fəaliyyət istiqamətləri, ölkəmizdə keçirilən 74-cüBeynəlxalq Astronavtika Konqresi və “Beynəlxalq astronavtlar proqramı” haqqında ətraflı məlumat verilib.

Gənclərlə interaktiv sual-cavab for­matında aparılan görüşdə ABŞ-lı as-tronavtlar John-David Bartoe, Ronald J.Garan, Russell L.Schveickart, rumı­niyalı astronavt Dumitru-Dorin Prunariu və BƏƏ-li astronavt Hazzaa Al-Manso­ori kosmosa səyahət və kosmik missi­yaları ilə bağlı təəssüratlarını tələbələr­lə bölüşüb və sualları cavablandırıblar.

Qeyd edək ki, Bakıda keçiriləcək konqres çərçivəsində çoxsaylı texni­ki sessiya və konfranslar təşkil edilib. Konqresdə kosmos sahəsi üzrə ölkələ­rin öz fəaliyyətlərini müzakirə etmək, biznes əlaqələri qurmaq imkanları ya­radılıb. Bu, təkcə Cənubi Qafqazı de­yil, həm də Türkiyəni, Mərkəzi Asiya və Yaxın Şərq ölkələrini əhatə etməklə Azərbaycanın və regionun akademik və biznes sahəsi üzrə kosmik sektorun ekspertləri və liderləri ilə əlaqə yarat­maq üçün unikal şansdır.

Nəzərə çatdırılıb ki, konqresin tər­kib hissəsi “Beynəlxalq astronavtlar proqramı” “Kosmos və Sağlamlıq”, “Kosmos və İnklüsivlik”, “Kosmos və STEAM”, “Astronavtların həyat və fəa­liyyətinə həsr olunmuş brifinqlər” sil­siləsindən ibarət olub, müxtəlif ali təhsil müəssisələri, elm tədqiqat institutları və gənclər mərkəzlərində məktəblilər, tələbələr, şəhid və qazi övladları, xü­susi qayğıya ehtiyacı olan uşaqlar və gənc alimlər də daxil olmaqla 3 min­dən çox Azərbaycan gəncinin iştirakı ilə görüşlərin keçirilməsi nəzərdə tutur. Xatırladaq ki, gənclər arasında kosmos elminin tərənnümü, yüksək texnologi­yalara marağın artırılması, milli kosmik ekosistemin təşviqi proqramın əsas məqsədlərindəndir.