Sentyabrın 29-da Rusiya Fede­rasiyasının Tula şəhərində Müstəqil Dövlətlər Birliyi iştirakçı-dövlətlərinin Müdafiə Nazirləri Şurasının iclası ke­çirilib.

Azərbaycan Respublikasının müdafiə naziri, general-polkovnik Zakir Həsənov iclasda iştirak edib.

İclasda cari hərbi əməkdaşlıq və qar­şıda duran məsələlər müzakirə olunub.

***

Azad olunmuş ərazilərdə Azərbay­can Ordusunun Mühəndis Qoşunları­nın hissə və bölmələrinin fəaliyyəti nə­ticəsində ötən həftə ərzində 199 ədəd tank əleyhinə, 94 ədəd piya­da əleyhinə mina aşkarlana­raq zərərsizləşdirilib.

Bundan başqa, mürəkkəb relyefli, o cümlədən çətin ke­çilən qayalıq ərazilərdə nəq­liyyat vasitələrinin təhlükəsiz hərəkətinin təmin edilməsi məqsədilə digər dövlət qurum­ları ilə qarşılıqlı əlaqədə 8 kilo­metrədək yeni təminat yolları çəkilib. Qısa müddət ərzində 300 kilometrədək möv­cud təminat yolları təkmilləşdirilərək bər­pa olunub.

Mina təmizlənmə işlərində əsas səy­lər azad edilmiş ərazilərdəki yaşayış məntəqələri, əkin sahələri, yollar və inf­rastruktur obyektlərinə yönəldilib.

Qeyd olunan ərazilərdə mühəndis tə­minatı üzrə zəruri tədbirlər plana uyğun davam etdirilir.

XQ