“Neft Daşları” qəzetinin 55 illiyi ilə bağlı bu ilin əvvəlində Azərbaycan Mətbuat Şurasında keçirilmiş toplantıda Şuranın İdarə Heyətinin üzvlərinin “Neft Daşları” qəsəbəsinə səfəri ilə bağlı təşəbbüs səslənmişdi. Azərbaycan Respublikasının Dövlət Neft Şirkəti həmin təklifə həssas münasibət göstərib və səfər bu günlərdə gerçəkləşib.

AMŞ İdarə Heyətinin üzvlərini dün­yanın səkkizinci möcüzəsi sayılan qəsə­bədə “Neft Daşları” Neft və Qazçıxarma İdarəsinin rəisi Asim Bağırov, müəssisəsi­nin rəhbər şəxsləri, “Neft Daşları” qəzeti­nin işçiləri qarşılayıblar. Qonaqlar əvvəlcə “Neft Daşları”nın keçmiş və indiki mən­zərəsini əks etdirən fotostendlə və qəsə­bənin məlumat lövhəsi ilə tanış olublar.

Ulu öndər Heydər Əliyevin abidə­sini ziyarət etdikdən sonra jurnalistlərə ümummilli liderin şərəfinə yaradılmış muzeydə onun “Neft Daşları” ilə bağlılı­ğını əks etdirən materiallar barədə mə­lumat verilib. Qəsəbə ilə tanışlığın dava­mında “Neft Daşları” yatağını kəşf etmiş geoloq Ağa Qurban Əliyevin abidəsi, Qa­rabağ uğrunda döyüşlərdə şəhid olmuş 17 neftçinin və Xəzərdə həyatını itirmiş neftçilərin xatirə kompleksləri ziyarət edi­lib. “Neft Daşları”nın 30 illiyi münasibətilə ucaldılmış Qəhrəman Neftçilər abidəsi, dünyada açıq dənizdə qazılmış ilk quyu ilə tanışlıq da “dəmir ada” barədə təəs­süratı zənginləşdirib.

Heydər Əliyev muzeyində neftçilərlə keçirilən görüşdə “Neft Daşları”nın Azər­baycanın neft sənayesində oynadığı rol, neftçilərin fədakar əməyini salnamələş­dirən “Neft Daşları” qəzetinin 55 illik fəa­liyyəti diqqət mərkəzində oliub. Görüşdə, eyni zamanda, “Neft Daşları”nın təbliği ilə bağlı müasir informasiya-kommunika­siya texnologiyalarının tətbiqinin geniş­ləndirilməsinə dair ətraflı fikir mübadiləsi aparılıb. 

Ayrı-ayrı çıxışlarda səfərin təşki­linə göstərdiyi dəstəyə görə Dövlət Neft Şirkəti rəhbərliyinə təşəkkür ifadə olu­nub.

“Xalq qəzeti”