Türkiyənin təbii fəlakət zonalarında artıq 21 min 244 yaşayış binasının tikintisinə start verilib. Bunu ətraf mühit və şəhərsalma naziri Murat Kurum bəyan edib. Məlumatı “Anadolu” verib.
Nazirin sözlərinə görə, yaxın vaxtlarda ilk 244 yaşayış evinin bünövrəsi qoyulacaq və bununla da, Türkiyə tarixində ən genişmiqyaslı inşaat işləri başlanacaq. “Ümumiyyətlə, il ərzində 319 min binanın tikilməsi planlaşdırılır”, - deyə Kurum bildirib.
Nazir əlavə edib ki, binaların tikintisi ilə yanaşı, zəlzələdə evini itirmiş vətəndaşlar üçün modul şəhərciklərin yaradılması üzrə də işlər aparılır: “Təkcə Adıyamanda 3 min modul seksiya qurulacaq. Onların bünövrəsi qoyulub və 10–15 gündən sonra vətəndaşlar mərhələlərlə məskunlaşdırılacaq”.
Paşa ƏMİRCANOV, “Xalq qəzeti”
