Dünən Bakıda Auditorlar Palatasının təşkilatçılığı ilə “Auditor xidməti haqqında” qanunun 30 illiyinə həsr olunmuş “Yaşıl iqtisadiyyat zəminin­də hesabatlılıq və şəffaflıq” mövzusunda beynəlxalq elmi-praktik konfrans keçirilib. Məclis “yaşıl” iqtisadiyyat şəraitində hesabatlılıq anlayışına yeni yanaşma, maliyyə göstəriciləri ilə yanaşı, qeyri-maliyyə, ekoloji, sosial və digər amilləri özündə ehtiva edən hesabatlılıq, nəzarət sisteminin qurul­ması sahəsində beynəlxalq təcrübənin öyrənilməsi, tətbiqi üzrə fikir mü­badiləsi aparmaq və tövsiyələr işləyib hazırlamaq məqsədi daşıyıb.

Konfransda Beynəlxalq Mühasiblər Federasiyası, Avropa Mühasiblər və Au­ditorlar Federasiyası, İmtiyazlı Sertifikat­laşdırılmış Mühasiblər Assosiasiyası kimi nüfuzlu beynəlxalq qurumları, eləcə də Azərbaycan, Belarus, Gürcüstan, Qazaxıs­tan, Qırğızıstan, Latviya, Litva, Moldova, Özbəkistan, Pakistan, Rusiya və Türkiyəni təmsil edən 30 təşkilatdan 150-yə yaxın nü­mayəndə iştirak edib. 

Konfrans iştirakçıları əvvəlcə Fəxri xiyabana gələrək ümummilli lider Heydər Əliyevin və Zərifə Əliyevanın məzarlarını ziyarət edərək önünə gül dəstələri düzüblər.

Beynəlxalq elmi-praktik konfransı giriş sözü ilə açan Azərbaycan Respublikası Au­ditorlar Palatasının sədri, professor Vahid Novruzov tədbirin əhəmiyyətindən bəhs edib. Qeyd olunub ki, Azərbaycanda audit son 30 ildə formalaşmağa başlasa da, döv­lət başçısının qayğsı sayəsində ölkədə sahi­bkarlığın inkişafı vüsət alıb. O, auditor fəa­liyyətinin də sahibkarlığın bir sahəsi kimi inkişaf etdiyini diqqətə çatdırıb.

Bildirilib ki, qarşıdan gələn COP29-un reallaşması istiqamətində qəbul edilən təkliflərin icrası ilə əlaqədar Azərbaycan auditorları bundan sonra da dövlətimizin yanında olacaq və hesabatlılığın, şəffaflığın təkmilləşdirilməsi sahəsində yeni dövrün çağırışları nəzərə alınmaqla öz vəzifələrini uğurla həyata keçirəcək. Diqqətə çatdırılıb ki, ölkəmizdə beynəlxalq standartlara uy­ğun auditin, o cümlədən dövlət auditinin zəruri hüquqi bazası yaradılıb. Hazırda au­ditin artan əhəmiyyətinin dünyada müxtəlif platformalarda qeyd olunduğunu vurğula­yan natiq bildirib ki, bugünkü konfransın timsalında belə tədbirlərin keçirilməsi audit institutun rolunun daha da artırılmasında, bu sahədə davamlı islahatların keçirilmə­sində və bununla da, maliyyə sektorunda nizam-intizamın möhkəmlərdirilməsində önəmli rol oynaya bilər. 

Diqqətə çatdırılıb ki, ümumbəşəri prob­lem olan iqlim dəyişikliklərinin təsirlərinin azaldılması və bu təsirlərə uyğunlaşma üçün fəaliyyətlərə əhəmiyyətli dövlət re­surslarının cəlb olunması, prosesə milli hökumət əsaslı yanaşmanın tələb olunması bu sahəni Ali Audit Orqanı obyektinə çevi­rir. Son 5 ildə dünyada iqlim fəaliyyətinin qiymətləndirilməsi üzrə 50-dən çox auditin aparıldığını vurğulayan natiq bildirib ki, ətraf mühitlə bağlı məsələlər uyğunluq və maliyyə auditləri ilə əhatə edilə bilsə də, iqlim dəyişikliyi ilə əlaqədar audit mövzu­larında səmərəlilik auditi ön plana çıxır. 

Tədbirdə Azərbaycan Respublikasının iqtisadiyyat nazirinin müavini Sahib Ələk­bərov, Azərbaycan Respublikası Hesabla­ma Palatasının sədri Vüqar Gülməmmədov, Azərbaycan İqtisadçılar İttifaqının sədri, akademik Ziyad Səmədzadə, Azərbay­can Dövlət İqtisad Universitetinin rektoru Ədalət Muradov, Beynəlxalq Mühasiblər Federasiyasının prezidenti Asma Resmou­ki, Avropa Mühasiblər və Auditorlar Fe­derasiyasının prezidenti Salvador Marin və digər qonaqlar təbrik nitqləri ilə çıxış ediblər.

“Yaşıl iqtisadiyyat zəminində hesa­batlılıq və şəffaflıq” adlı beynəlxalq el­mi-praktik konfrans iqlim fəaliyyətinin qiymətləndirilməsinə ali audit orqanlarının cəlb edilməsi, dayanıqlı inkişaf sahəsində məlumatların açıqlanması üzrə Maliyyə Hesabatlarının Beynəlxalq Standartlarının tətbiq edilməsi, dayanıqlı inkişaf barədə hesabatlılıq, Avropa İttifaqında davamlılıq hesabatı və audit üçün hüquqi baza, “yaşıl” iqtisadiyyat şəraitində mühasiblər və audi­torlar üçün əsas çağırışlara dair məruzələr dinlənilib. Tədbirdə, həmçinin bu sahələrdə beynəlxalq əlaqələrin genişləndirilməsi zə­rurəti və onun reallaşdırılması şərh edilib, “yaşıl” iqtisadiyyat, sosial məsuliyyət və ekoloji tarazlığın təmin edilməsi sahəsində 19 məruzə dinlənilib, faydalı fikir müba­diləsi aparılıb.

Beynəlxalq elmi-praktik konfrans çər­çivəsində İmtiyazlı Sertifikatlaşdırılmış Mühasiblər Assosiasiyası və Auditorlar Palatası arasında Anlaşma Memorandumu imzalanıb.

Konfransın yekununda Azərbaycan Respublikasının Prezidenti İlham Əliyevə konfrans iştirakçıları adından müraciət qə­bul edilib.

Sonda konfrans iştirakçılarını maraq­landıran suallar ətraflı cavablandırılıb. Eyni zamanda, təqdim edilən materialların toplu şəklində nəşr etdirilməsi və tövsiyələrin ha­zırlanması qərara alınıb.

Sentyabrın 17-də konfrans iştirakçıla­rının Qobustan Palçıq Vulkanları Turizm Kompleksi və Qobustan Milli Tarix-Bədii Qoruğu ilə tanışlığı, xarici ölkələrin audit və mühasibat qurumlarının nümayəndələri ilə auditin normativ hüquqi bazasına, me­todiki təminatına, təşkili və tənzimlənmə­sinə dair təcrübə mübadiləsinin aparılması nəzərdə tutulub.