Qadınlardan ibarət “Azərreyl” voleybol komandası da Azərbaycan çempionatının qalibi olub.
Final qarşılaşmasında “Azərreyl” və “Abşeron” komandaları üz-üzə gəliblər. Bakı İdman Sarayında baş tutan oyun “dəmiryolçular”ın 3:1 hesablı qələbəsi ilə yekunlaşıb.
Bununla da “Azərreyl” 2023–2024-cü illər mövsümündə birinci yeri tutub.
Qeyd edək ki, bundan əvvəl “Azərreyl”in kişilərdən ibarət komandası finalda “Murov Az Terminal”a (3:2) qalib gələrək qızıl medal qazanmışdı.
Qadınların Yüksək Liqasında bürünc medalı “Gəncə”yə 3:0 hesabı ilə qalib gələn “Murov Az Terminal” əldə edib.
L.SABİRQIZI
XQ
