Azərbaycan Güləş Federasiyasının (AGF) təşkil etdiyi ümumrespublika seminarının növbəti tədbiri Bakıda keçirilib.
140-a yaxın məşqçinin qatıldığı seminarın nəzəri hissəsində Azərbaycan Dövlət Bədən Tərbiyəsi və İdman Akademiyasının (ASAPES) baş müəllimi Mehman Nəcəfov, yunan-Roma güləşi üzrə U-20 milli komandanın böyük məşqçisi Nurəddin Rəcəbov, sərbəst güləş üzrə U-17 milli komandanın məşqçisi Vahid Məmmədov, Hakimlər Kollegiyasının sədri Qərib Əliyev öz sahələri üzrə önəmli məlumatları paytaxt məşqçilərinin diqqətinə çatdırıblar.
Seminarın praktiki hissəsində Vahid Məmmədov, yunan-Roma güləşi üzrə U-20 milli komandanın məşqçisi Emin Əhmədov və l-S kateqoriyalı hakim Sədi Quliyev müxtəlif güləş elementlərinin icrasını xalça üzərində əyani surətdə nümayiş etdiriblər. Sonra iştirakçılara AGF-nin sertifikatları verilib.
Leyla SABİRQIZI
XQ
.jpg)
.jpeg)
