Bakıda iqlim dəyişikliyinin mənfi təsirlərinə xüsusi həssas­lıqla yanaşan inkişaf etməkdə olan ölkələrə yardım məqsədilə yaradılmış İtki və Zərərə Cavab Fondu İdarə Heyətinin 3-cü ic­lası öz işinə başlayıb. Qeyd edək ki, fondun təsis edilməsi barədə qərar COP27-də qəbul olunsa da, qurum indiyədək əməli fəa­liyyət göstərməyib. 

İtki və Zərərə Cavab Fondu İdarə Heyətinin sentyabrın 21-dək davam edə­cək iclasında təşkilata Dünya Bankı siste­mində maliyyə qurumu statusu verilməsi və tam əməli fəaliyyətə başlaması ilə bağlı tarixi əhəmiyyətli qərarların imzalanması gözlənilir.

Tədbirdə müxtəlif inkişaf səviyyəli ölkələr, BMT, Dünya Bankı, beynəlxalq qeyri-hökumət təşkilatları və həmfikir qruplardan, ümumilikdə, 200-ə yaxın nü­mayəndə iştirak edir. İclas zamanı fondun icraçı direktorunun təyin olunması nəzər­də tutulur. Toplantıda, həmçinin COP29 çərçivəsində dünya liderlərinin iqlim fəa­liyyəti sammiti zamanı rəsmi başlanılması nəzərdə tutulan itki və zərər üzrə maliyyə mexanizmlərinə dair yüksək səviyyəli di­aloq ilə bağlı vacib məqamlar müzakirə ediləcək.

İclasda çıxış edən COP29-un müəyyən edilmiş Prezidenti, ekologiya və təbii sər­vətlər naziri Muxtar Babayev iqlim dəyi­şikliyi ilə mübarizədə qlobal həmrəyliyin vacibliyinə və səylərin artırılmasına, eləcə də fondun əməli fəaliyyətə başlamasının zəruriliyinə diqqət çəkib.

COP29 ərəfəsində Azərbaycanın bu tədbirə ev sahibliyi etməsi fondun əmə­li fəaliyyətinin reallaşması istiqamətində mühüm əhəmiyyət daşıyır. Eyni zamanda, bu, ölkəmizə olan inam və etimadın göstə­ricisi olmaqla yanaşı, respublikamızın iq­lim dəyişmələri ilə mübarizə məsələlərinə verdiyi önəmin, eləcə də inkişaf etmək­də olan dövlətlərə, o cümlədən kiçik ada dövlətlərinə ayırdığı diqqətin nəticəsi kimi qiymətləndirilir.