Prezident İlham Əliyevin 5 iyun 2023-cü il tarixli sərəncamı ilə təsdiq edilən “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nda muxtar respublikanın “Yaşıl enerji” Konsepsiyasının hazırlanması, dövlət-özəl tərəfdaşlığı ilə alternativ, habelə bərpaolunan enerji mənbələrinin yaradılmasının davam etdirilməsi, yeni istilik elektrik stansiyasının tikintisi nəzərdə tutulub.

Muxtar respublikanın Dövlət Ener­getika Xidmətinin mətbuat xidmətindən XQ-yə bildirilib ki, Naxçıvanın “Yaşıl enerji” Konsepsiyasının hazırlanması məqsədilə məsləhətçi şirkətlərin cəlb edil­məsi üçün Energetika Nazirliyi tərəfindən dövlət satınalması həyata keçirilib. Naxçı­van Muxtar Respublikası ərazisində “Yaşıl enerji” layihələrinin reallaşdırılması üçün Əmlak Məsələləri Dövlət Xidmətinin tək­lif etdiyi əkinə yararsız torpaq sahələri də müəyyənləşdirilib. Bununla da qədim di­yarın, ümumilikdə, 7992 hektar əkinə ya­rarsız sahələrində “Yaşıl enerji” layihələri­nin reallaşdırılması nəzərdə tutulub. 

Səbuhi HƏSƏNOV
XQ-nin bölgə müxbiri