Pakistan Cammu və Kəşmirdə vəziyyətin gərginləşməsi və Hindistanla gərginliyin artması ilə əlaqədar BMT Təhlükəsizlik Şurasına fövqəladə qapalı iclas keçirmək barədə rəsmi sorğu göndərib.
Məlumatı “Anadolu” yayıb.
Pakistanın BMT-dəki Daimi Nümayəndəliyi verdiyi yazılı açıqlamada hazırkı vəziyyətin regional və beynəlxalq təhlükəsizliyə təhdid yaratdığını bildirib.
Sənəddə deyilir: “Hindistan və Pakistan arasında artan gərginlik və Cammu və Kəşmirdəki vəziyyət regionda və ondan kənarda sülh və sabitliyi təhdid edir”.
Bəyanatda həmçinin qeyd olunub ki, görüşdən sonra Pakistanın BMT-dəki daimi nümayəndəsi Asim İftixar Əhmədin brifinqi gözlənilir.
Təhlükəsizlik Şurasının fövqəladə iclası mayın 5-də yerli vaxtla saat 15:00-a təyin edilib.
P.ƏMİRCANOV
XQ
.jpg)
