ABŞ Müdafiə Nazirliyi kosmosda ölkənin peyk şəbəkəsini hücumdan qoruyacaq və lazım gəldikdə digər ölkələrin peyklərini sıradan çıxaracaq yeni nəsil yer və kosmik texnologiyalar yerləşdirməyi planlaşdırır. Bu barədə “The New York Times” Pentaqonun nümayəndələrinə istinadən yazır.

“Pentaqonun hərəkətlərinin təfərrüatları ciddi şəkildə məxfi olaraq qalır. Lakin Mü­dafiə Departamentinin rəsmiləri kosmosun getdikcə döyüş meydanına çevrildiyi üçün bu təşəbbüsün hərbi əməliyyatlarda böyük dəyişikliyi əks etdirdiyini getdikcə daha çox qəbul edirlər. Qeyd olunur ki, Pentaqon nü­mayəndələri 2026-cı ilə qədər "tam spektr­li əməliyyatlarda rəqabət aparmağa imkan verəcək əhəmiyyətli orbital imkanlara" malik olmağın planlaşdırıldığı istisna olmaqla, hər hansı detalı müzakirə etməkdən imtina edib­lər.

Qəzet, həmçinin kosmosun hərbiləşdiril­məsinin qaçılmaz olduğunu deyən müdafiə nazirinin kosmos siyasəti üzrə köməkçisi Con Plumbdan sitat gətirir. Departamentin digər nümayəndələri kosmosu nəinki po­tensial müharibə zonası hesab edir, həm də bildirirlər ki, orada kosmik silahların yerləş­dirilməsi kifayət qədər sürətlə getmir.

"The New York Times" qəzetinin yazdı­ğına görə, Vaşinqton Moskva və Pekini kos­mosda müxtəlif texnika, o cümlədən hərbi texnika yerləşdirməyə dair sübut olmadan ittiham edir. Bununla belə, Rusiya və Çin BMT Təhlükəsizlik Şurasında kosmosda si­lah yerləşdirməyə qadağa tətbiq etməyi təklif ediblər, lakin bu, rədd edilib.

2024-cü ilin aprelində Rusiya ABŞ-ı kos­mosun hərbiləşdirilməsinin qarşısının alın­masına yönəlmiş beynəlxalq müqavilələrin hazırlanması istiqamətində addımlar atmağa çağırıb. Elə həmin ay Rusiya Federasiyası BMT Təhlükəsizlik Şurasında nüvə silahı­nın və digər kütləvi qırğın silahlarının Ye­rin orbitində yerləşdirilməsini qadağan edən ABŞ-Yaponiya qətnaməsinə veto qoyub.

Rusiyanın BMT-dəki daimi nümayəndə­si Vasili Nebenzya vetonunu belə izah edib ki, Rusiya Federasiyası kosmosda təkcə nüvə deyil, istənilən silahı qadağan etməyə çalışır.

S.ELAY
XQ