Hindistan hakimiyyəti fermerlərin bir neçə həftədir davam edən etirazına son qoymağa çalışır. Etirazçılar paytaxt Dehliyə daxil olmaq istəyirlər, lakin şəhərdən 200 km aralıda polis onları dayandırıb. Hakimiyyətlə fermerlər arasında bir neçə raund danışıqlar heç bir nəticə verməyib. Hazırda bir neçə min fermer Pəncab-Haryana sərhəddində düşərgə salıb.
İndi Hindistan hakimiyyəti fermerlərin etirazlarını dayandırmağa çalışır. Xüsusilə, pilotsuz təyyarələrdən gözyaşardıcı qaz mərmilərinin atıldığı barədə məlumatlar var. Düşərgənin ətrafında xeyli sayda polis cəmlənib və Dehliyə gedən yol beton hasarlar və tikanlı məftilli maneələrlə bağlanıb. Həmçinin etirazçıların toplaşdığı, mobil internet və sosial şəbəkələrin bağlandığı yerlərdə bir neçə etirazçı saxlanılıb.
Fermerlər taxıl, qarğıdalı, pambıq, lobya alışına zəmanətli qiymətlərin tətbiqini tələb edirlər. Hindistanda belə etirazlar ilk dəfə deyil: 2020 və 2021-ci illərdə fermerlər etiraz aksiyası keçiriblər. Hökumət bəzi bitkilərin məhsulunun bir hissəsini sabit qiymətlərlə almaq variantını təklif edir. Fermerlər bu təkliflə razılaşmırlar.
S.ELAY
XQ
