“Ferrari” şirkəti köhnə avtomobilini hərracda, təxminən, 2 milyon dollara satıb.
Fotoda gördüyünüz bu avtomobil 1954-cü ildə buraxılmış “Ferrari 500 Mondial Spider”dir. O zaman bu model Amerikaya gətirildikdən sonra mühərriki V8 ilə əvəz edilib və bir çox yarışlara qatılıb. Hətta keçmiş “Scuderia Ferrari” sürücüsü Franco Cortese də bu avtomobildən istifadə edib. Sonradan baş verən avtomobil qəzası nəticəsində maşın yanaraq yararsız vəziyyətə düşüb.
Xatırladaq ki, “Ferrari” ilk avtomobilini 1946-cı ildə istehsal etməyə başlayıb. Bu, “Ferrari 125” modeli idi. Əvvəllər “Ferrari” yalnız yarış avtomobilləri istehsal edirdi. Sonradan isə o, satış üçün də idman avtomobilləri istehsal etməyə başlayıb.
F. HÜQUQQIZI, “Xalq qəzeti”
