Türkiyənin TUSAŞ şirkəti yeni “Anka-3” pilotsuz döyüş təyyarəsi üzərində çalışır. Bu barədə “Anadolu” xəbər verib.
TUSAŞ şirkətinin PUA sistemləri üzrə baş müdir müavini Ömər Yıldız “Anka-3”-ün son vəziyyəti barədə danışıb. Bildirib ki, təyyarənin bir çox hissələri şirkətin emalatxanasında hazırlanıb. Hazırda bəzi sonuncu problemlərin həlli istiqamətində işlər görülür.
“Anka-3” pilotsuz döyüş təyyarəsinin ilk uçuşunun gələn ilin aprel ayında həyata keçirilməsi planlaşdırılır.
Rizvan FİKRƏTOĞLU,
“Xalq qəzeti”
