Türkiyə, İsveç və Finlandiya xarici işlər nazirləri iyulun 6-da Brüsseldə görüşəcəklər.
“Anadolu”nun məlumatına görə, bu barədə Finlandiyanın xarici işlər naziri Elina Valtonen “Twitter” səhifəsində məlumat verib.
“Mən NATO-nun baş katibi Yens Stoltenberqin dəvəti ilə Brüsseldə keçirilən Türkiyə, İsveç və Finlandiya xarici işlər nazirlərinin görüşündə iştirak edəcəyəm. Telefon danışığına görə Türkiyənin xarici işlər naziri Hakan Fidana təşəkkür edirəm”, - Valtonen yazıb.
Üç ölkənin xarici işlər nazirlərinin görüşü iyulun 11-12-də Vilnüsdə keçiriləcək NATO sammiti ərəfəsində baş tutacaq.
"Xalq qəzeti"
