Mütəxəssislər ürək- damar sisteminin sağlam olması üçün bəkməz, kərə yağı, ət və ət məhsulları, süd və süd məhsullarını uyğun qida hesab etmirlər. Amma ürək sağlamlığı üçün almanın faydasının daha çox olduğunu bildirirlər. Burada almanın rəngə uyğun düzgün seçilməsi önəmlidir. Bu baxımdan yaşıl almanın ürək çatışmazlığında çox faydalı olduğu deyilir.
Ürəkdə çırpıntıların yaranmasına və ritmin pozulmasına alma sirkəsi faydalı hesab edilir. Ürək ritminin pozulması həyəcanlanmaq və ürəyin ətrafında yerləşən sinir hüceyrələrinin üzərində olan elektrik axınının müəyyən nöqtədə toqquşması nəticəsində baş verir.
Alma sirkəsinin qəbulu sinirləri stabilləşdirir və ürək ritiminin pozulmasının qarşısını alır. Mütəxəssislər bildirirlər ki, alma sirkəsi və alma eyni vaxtda qəbul edildikdə, ürəkdəki digər problemləri də aradan qaldırır.
Z.HÜSEYNOVA, “Xalq qəzeti”