Ermənistanın baş naziri Nikol Paşinyan bildirib ki, Azərbaycanla müharibə olmayacaq, respublika azadlıq, demokratiya və sülh yolu ilə gedir. Bu barədə “İnterfaks.ru” məlumat verib.
“Bu gün bizim regionumuzun dinc və firavan gələcəyinə töhfə vermək imkanımız var. Ermənistanla Azərbaycan arasında sülhün və dövlətlərarası münasibətlərin qurulmasına dair saziş layihəsi razılaşdırılıb və imzalanmağı gözləyir və biz bu yolla gedəcəyik. Regionumuz sülh və firavan yaşamaq haqqı qazanıb və belə də olmalıdır”, - Paşinyan 9 may münasibətilə müraciətində bildirib.
Onun sözlərinə görə, “bütün daxili və xarici təxribatlara baxmayaraq, Ermənistan Respublikası ilə Azərbaycan Respublikası arasında müharibə olmayacaq, sülh olacaq”.
O qeyd edib ki, Ermənistan “azadlıq, demokratiya və sülh yolundadır”.
“Bu, heç də asan yol deyil, amma keçməyə dəyər və onu başa vurub geri dönməz limana çatmaq üçün bizə inam, inam, tədbirlilik və ardıcıllıq lazımdır. Bu yolla getmək üçün bizə cəsarət, dürüstlük və tam özünü tanımaq, öz tariximizi oxumaq və öyrənmək bacarığı bacarığı lazımdır".
O qeyd edib ki, Ermənistanın tarixini yenidən oxuyaraq belə qənaətə gəlib ki, diqqəti tarixi Ermənistana deyil, reallığa yönəltmək lazımdır: “Əsl Ermənistanın ideologiyası tarixi Ermənistanın bizə ünvanladığı mesajları oxumağın nəticəsidir ki, o bizə deyir: mənim yolumla getməyin, ancaq xəyallarımızda olan Ermənistan Respublikasında azadlıq, xoşbəxtlik və firavanlıq qurmağa və bu xoşbəxt dövlətin nəsildən-nəslə ötürülməsi məsələsinə diqqət yetirin. Bu gün bizim belə bir imkanımız var və biz bunu reallaşdırmağa borcluyuq”.
P.ƏMİRCANOV
XQ
