Avropa İttifaqının Statistika İdarəsinin (Eurostat) məlumatına görə, 2023-cü ilin mart ayında Azərbaycan Avropaya 611,8 milyon kubmetr təbii qaz nəql edib.
Qeyd edək ki, 2023-cü ilin birinci rübündə Azərbaycanda qaz hasilatı 3 faiz artaraq 12,2 milyard kubmetrə çatıb. Ölkə təbii qazın yarıdan çoxunu, yaxud 6,5 milyard kubmetrini xarici bazarlara ixrac edib.
2023-cü ilin yanvar–mart ayları ərzində Azərbaycan Avropaya (2,9 milyard kubmetr), Türkiyəyə (2,7 milyard kubmetr) və Gürcüstana (0,9 milyard kubmetr) təbii qaz ixrac edib. Hesabat dövründə Trans–Anadolu boru kəməri ilə Türkiyəyə 1,4 milyon kubmetr qaz ixrac olunub.
Azərbaycan Cənub Qaz Dəhlizi ilə Avropaya qaz tədarükünü 31 dekabr 2020-ci ildə başladıb. Ölkə bu il Avropaya 12 milyard kubmetr qaz ixrac etməyi planlaşdırır.
“Xalq qəzeti”
