Azərbaycan millisi Fransa ilə qarşılaşacaq

post-img

Ümummilli lider Heydər Əliyevin 100 illik yubileyinə həsr olunmuş Beynəlxalq Minifutbol Turniri davam edir. Bakı Tennis Akademiyasında təşkil edilən yarışda bu gün “pley-off” və yarımfinal oyunları keçiriləcək. 

A qrupunu 8 xalla 3-cü pillədə başa vuran Azərbaycan millisi yarımfinala yüksəlmək uğrunda Fransa ilə qarşılaşacaq. Digər cütlükdə isə Çexiya və Ukrayna seçmələri üz-üzə gələcəklər.

Bu cütlərin qalibləri axşam saatlarında yarımfinal mərhələsində müvafiq olaraq Serbiya və Qazaxıstanla münasibətlərinə aydınlıq gətirəcəklər.

Elçin AĞAMİRZƏ,
“Xalq qəzeti”

İdman