Bu günlərdə İordaniyanın paytaxtı Ammanda bütün dünyaya səs salan təmtəraqlı toy mərasimi keçirilib. Belə ki, İordaniya Kralı II Abdullah ibn Al Hüseynin oğlu vəliəhd şahzadə Hüseyn evlənib.
İordaniya taxt-tacının varisinin seçimi əslən Səudiyyə Ərəbistanından olan 28 yaşlı Rayva ibn Səid adlı qızdır. İxtisasca memardır. Nyu-York və Los-Ancelesdə təhsil alıb. Rayvanın atası ABŞ-da böyük bir tikinti şirkətinin sahibidir. Toy Ammanda Zəhran sarayında keçirilən mərasimdə baş tutub. Paytaxt sakinləri bütün günü şənləniblər, mahnı oxuyaraq rəqs ediblər.
Məclisdə dünyanın müxtəlif ölkələrindən olan kral ailələrinin üzvləri, o cümlədən Britaniya kral ailəsinin nümayəndələri: Şahzadə Uilyam, Keyt Middlton və şahzadə Beatris iştirak ediblər.
“Xalq qəzeti”