“Facebook”da dostluğumda olan Jalə Əhmədova adlı bir ziyalı xanım dünən öz paylaşımında bu fotonu yerləşdirərək körpə qızcığazın adından belə yazıb:
“Deyin görüm, sülhün sizə nə ziyanı var?”
Çox sayda sosial şəbəkə izləyiciləri bu təsirli sözlərə biganə qalmayıblar. Onlardan biri yazıb ki, müharibə böyük bir biznesdir, məhz bu səbəbdən sülhün düşmənləri öz bəd əməllərini davam etdirə bilirlər.
Təbii ki, bu körpə balamızın müharibələrin sərvət, var-dövlət əldə keçirmək, yeni torpaqlar işğal etmək naminə aparıldığından xəbəri yoxdur. O, bütün bunları böyüyəndən sonra anlayacaq.
Ümid etmək istərdik ki, bu gün Suriyada, Ukraynada, Sudanda müharibə alovunu körükləyənlər, eləcə də Qarabağı yenidən qan çanağına döndərmək istəyənlər bu fotodokı qızcığazın, onun kimi yüz minlərlə, milyonlarla uşağın ürəyindən qopan sülh harayını, nəhayət eşitsinlər, necə deyərlər, güllər açılsın, güllələr açılmasın... Bir də biz uşaq olanda məktəbdə belə bir nəğmə oxuyardıq:
Sülhə gəlin, ey insanlar
Yoxsa, dünya məhv olar...
Təqdim etdi: M.HACIXANLI, “Xalq qəzeti”