Olimpiadanın ilkin mərhələsində 10 minə yaxın şagird iştirak edib. Bu mərhələ çərçivəsində olimpiadanı izləmək üçün Bakı şəhəri Mikayıl Müşfiq adına 18 nömrəli tam orta məktəbə mediatur təşkil olunub. Mediaturda Elm və Təhsil Nazirliyi, Təhsil İnstitutunun rəsmiləri, millət vəkilləri, Qərbi Azərbaycan İcmasının üzvləri və media nümayəndələri iştirak ediblər. 

Bakıda təşkil edilən olimpiada mərkəzlərində ümumilikdə 975 şagird iştirak edib. İlkin mərhələnin nəticələri əsasında olimpiadanın regional mərhələsində iştirak edəcək şagirdlər müəyyən olunacaq. 

Olimpiadanın final mərhələsinin iyun ayında Naxçıvan Muxtar Respublikasında keçirilməsi planlaşdırılır. 

Qeyd edək ki, olimpiada Elm və Təhsil Nazirliyi, Naxçıvan Muxtar Respublikasının Təhsil Nazirliyi, Təhsil İnstitutu, Qərbi Azərbaycan İcması və Naxçıvan Dövlət Universitetinin tərəfdaşlığı ilə həyata keçirilir. 

Olimpiadanın təşkilində məqsəd şagirdlər arasında Qərbi Azərbaycanın tarixi, coğrafiyası, mədəniyyəti, ədəbiyyatı, görkəmli ictimai xadimləri, tarixi şəxsiyyətləri, toponimləri, folkloru haqqında maarifləndirmə işlərini aparmaq və biliklərin dərindən öyrənilməsini təmin etməkdir.

Azərbaycan Dövlət Pedaqoji Universitetinin Beynəlxalq əlaqələr üzrə prorektoru, filologiya elmləri doktoru, professor Mahirə Hüseynova "Qərbi Azərbaycana Qayıdış" olimpiadasının ekspert qrupuna rəhbərlik edib.

ADPU-nun Filologiya fakültəsinin professorları “Qərbi Azərbaycana qayıdış” olimpiadasının rayon (şəhər) mərhələsini izləmək üçün təşkil olunan mediaturda iştirak ediblər. Həmçinin mediaturda ADPU-nun Beynəlxalq əlaqələr üzrə prorektoru prof. Mahirə Hüseynova və Elmi-təşkilati şöbənin müdiri prof. İbrahim Bayramov da iştirak etmişlər.

İlkin mərhələsində 10000-ə yaxın şagirdin iştirak etdiyi olimpiada Elm və Təhsil Nazirliyi, Naxçıvan Muxtar Respublikasının Təhsil Nazirliyi, Təhsil İnstitutu, Qərbi Azərbaycan İcması və Naxçıvan Dövlət Universitetinin tərəfdaşlığı ilə həyata keçirilir.

Qeyd edək ki, prof. Mahirə Hüseynova yeni təhsil proqramlarında Qərbi Azərbaycanın tarixi, coğrafiyası, ədəbiyyatı, folkloru, adət-ənənələrinin öz əksini tapmasını, daha sonra onların orta məktəb dərsliklərinə salınmasını təklif etmişdir.