İşğaldan azad olunan ərazilərə “Böyük qayıdış” proqramı çərçivəsində Səhiyyə Nazirliyinin və Akademik Zərifə Əliyeva adına Milli Oftalmologiya Mərkəzinin təşkilatçılığı ilə Səyyar avtomobil klinikası Laçın şəhərində ikigünlük oftalmoloji aksiya keçirib. Mərkəzin elmi məlumat, tədris və təşkilati-metodik bölməsinin müdiri Yazgül Abdıyeva otalmoloqların Laçın səfəri ilə bağlı bildirdi:

– Səyyar oftalmoloji müayinələrin məqsədi vətəndaşların operativ şəkildə müayinəsi, görmə qabiliyyətinin zəifləmə­sinin qarşısının alınması, görmə patologi­yasının erkən diaqnostikasının aşkarlan­ması və müalicələrin təyinidir.

Laçında keçirdiyimiz tibbi aksiyanın ilk günündə 100-ə yaxın sakin oftalmolo­ji müayinədən keçdi. Müayinələr əsasında vətəndaşlarda quru göz sindromu, allergik konyunktivit, refraksiya patologiyası, mio­pik astiqmatizm və digər xəstəliklər aşkar­landı. 

Laçında göz xəstəlikləri ilə bağlı ümu­mi monitorinqlər də aparıldı və əldə edilən nəticələr müzakirə olundu. Həmçinin ciddi problemlərlə üzləşən və çətin əməliyyat tələb olunan pasiyentlərin Milli Oftalmo­logiya Mərkəzinə gəlmələrinə şərait ya­radıldı. Ümumilikdə, iki gün davam edən oftalmoloji aksiyada 200-ə yaxın Laçın sa­kini müayinədən keçdi. Sakinlər göstərilən xidmətdən razı qaldıqlarını bildirdilər.

Aksiya zamanı qeyd olunub ki, bəzən göz xəstəliklərinin simptomları diqqətdən kənarda qala bilər. Buna görə, sakinlərə il­kin mərhələdə göz patologiyasını müəyyən etmək üçün mütəmadi olaraq ümumi oftal­moloji müayinələrdən keçmələri tövsiyə olunub. Sonra aksiya iştirakçılarını maraq­landıran suallar cavablandırılıb.

Sakinlərin müayinəsini həkim Lamiyə Həsənzadə və rezident Nuranə Ələkbəro­va aparıblar. Aksiyada Milli Oftalmologi­ya Mərkəzinin direktor müavini Ceyhun Nəzərli, səyyar klinikanın baş həkimi El­çin Həsənov, mühəndis Tural Hüseynov, təşkilat şöbəsinin əməkdaşı Leyla Qurba­nova iştirak ediblər.

Z.HÜSEYNOVA
XQ