Yola saldığımız 2023-cü il təbabət elmi və səhiyyə sahəsində də innovativ yenilik və kəşflərlə yadda qalıb. Ən maraqlı 3 kəşfi təqdim edirik:

1. Prostat xərçənginin innovasi­on müalicəsi – TULSA Pro 

TULSA Pro üsulu ultrasəslə toxu­maların isidilib dağıdılmasıdır. Bu za­man heç bir kəsik, şüa tələb olunmur. Artıq sübut olunub ki, 90 faiz xəstələrdə bu üsulun tətbiqindən sonra PSA onko­markeri (prostat xərçənginin göstərici­si) 75 faizə düşüb. Həmin üsul ABŞ-da tətbiq olunur.

2. Hiperxolesterinemiyanın gen müalicəsi

Bu nadir xəstəliyə 300 nəfərdən bi­rində rast gəlinir. Pis xolesterin genetik olaraq artır, bu zaman damarlar daha gənc yaşda tıxanır.

Pasiyentlərin vəziyyətini normal­laşdırmaq üçün VERVE 101 genom preparatı təqdim olunur. Dərman vena daxilinə yeridilir və 28 gün müddətində xolesterinin səviyyəsi 80 faiz enir.

3. QİÇS əleyhinə vaksinlərin sına­ğı

T hüceyrəli VİR vaksininin I klinik sınaqları 2024-də bitəcək. Eksperi­mentdə 95 insan iştirak edəcək. Əgər vaksin təsdiqlənərsə, QİÇS-dən xilas mümkün ola bilər.

Zərifə BƏŞİRQIZI
XQ