Dövlət Məşğulluq Agentliyi isə Ağalıda daha bir qrup kənd sakinini istehsal, xidmət sahəsi üzrə özünüməşğulluq proqramına cəlb edilərək lazımi avadanlıqlarla təmin edib. Bu dəfə sakinlərin müraciətləri əsasında onlara un məmulatlarının istehsalı, kişi bərbərxanası və inkubator zərfləri üzrə aktivlər təqdim edilib.
Bununla da kənddə artıq 14 sakin üçün özünüməşğulluq proqramı çərçivəsində təsərrüfat yaradılıb. Aktiv paylanması prosesi və yaradılan kiçik təsərrüfatlarla əyani tanışlıq üçün Ağalı kəndinə mediatur təşkil edilib.
Qeyd edək ki, indiyədək 270-dək Ağalı sakininin məşğulluğu təmin edilib. 192 nəfər müvafiq vakansiyalar üzrə, 26 nəfər ictimai işlərlə təmin olunub. 14 nəfərə özünüməşğulluq proqramı çərçivəsində aktivlər verilib, 33 nəfər isə peşə hazırlığı kurslarına cəlb edilib.
Zərifə HÜSEYNOVA
XQ
