Əmək və Əhalinin Sosial Müdafiəsi Nazirliyi Zəngilanda fəaliyyət göstərən 15-ə yaxın işəgötürənlə Ağalı kəndində görüş keçirib. Toplantıda “Məşğulluq xidmətləri” və “Qadın əməyinin tətbiqi qadağan olunan, əmək şəraiti zərərli və ağır olan istehsalatların, peşələrin, habelə yeraltı işlər” mövzularında müzakirələr aparılıb.
Mərasimdə işəgötürənlərə Əmək Məcəlləsinə edilmiş ən son dəyişiklər, beynəlxalq normalar, qanunvericilikdə qadın əməyi ilə bağlı məhdudiyyətlər barədə məlumat verilib. Qadınların əmək bazarında iştirakının genişləndirilməsinin vacibliyi vurğulanaraq bununla bağlı müsbət təcrübələr qeyd edilib.
Məclisdə, həmçinin həyata keçirilən layihələr, proqramlar barədə, xüsusilə işəgötürənlərə dəstək mexanizmini əhatə edən əməkhaqqının birgə maliyyələşdirilməsi və peşə kursları ilə bağlı təqdimatlar edilib. Sahibkarlara rəqəmsallaşma istiqamətində həyata keçirilən layihələr, “Əmək və məşğulluq” altsisteminin işəgötürənlər üçün üstünlükləri barədə məlumat verilib, onları maraqlandıran suallar cavablandırılıb.
Zərifə HÜSEYNOVA
XQ