Fərqli qidalar birlikdə qəbul edildikdə orqanizmə daha çox fayda verir. Bu, qida maddələrinin sinergik təsiri adlanır. Hər gün istehlak etdiyimiz qidalarda olan minerallar, vitaminlər, fitokimyəvilər, lif və yağlar kimi müəyyən komponentlər bir-biri ilə qarşılıqlı əlaqədə sağlamlıq üçün inanılmaz faydalar verir.
Ət, bəkməz, yumurta, soya, ispanaq, cəfəri kimi tərkibində dəmir olan qidalar, C vitamini ilə bol limon, qreypfrut, portağal və qırmızı bibərlə birlikdə yeyildikdə dəmir mineralı daha çox sorulur. Quru lobya ideal dəmir qaynağı olsa da, bitki mənşəli dəmir heyvan mənşəli qədər bədən tərəfindən udulmur. Lakin C vitamini ilə zəngin olan qırmızı bibərlə birlikdə yeyildikdə paxladakı dəmirin sorulması sürətlənir. Səhər yeməyi üçün proteinlə çox zəngin olan yumurta sarısı hədsiz faydalı dəmir qaynağıdır. Yumurtadakı dəmir C vitamini ilə bol 1 stəkan portağal suyu ilə daha yaxşı mənimsənilir.
Qida sinerjisinin digər yaxşı nümunələrinə qırmızı ət və salatın birləşməsi daxildir. Limon, göyərti və qırmızı bibər kimi C vitamini olan qidalar dəmir tərkiblilərlə birlikdə qəbul edildikdə, dəmir daha çox udulur.
Z.HÜSEYNLİ
XQ
