Bakıda piyada olmaq üçün ya gərək gimnast olasan, ya da akrobat. Çünki bəzi küçələrdəki səkilərdən keçmək üçün xüsusi bacarıq lazımdır. Paytaxtımızda maşınlarını səkilərə qaldıran sürücülər yetərincədir. 

Dünən “Sahil” metros­tansiyasının qarşısında tanış mənzərə ilə qarşılaş­dım. Buradakı piyada keçid məntəqəsindən çıxanda gör­düm ki, maşınlar yenə piya­da səkilərini zəbt ediblər. 

Məcbur qalıb maşınların hərəkəti üçün nəzərdə tutul­muş yolla getdim. Bilirsinizmi bu hərəkətim hansı fəsadla­ra yol açdı? Mən həm özümü təhlükəyə atmışdım, həm də maşınların rahat hərəkət et­məsinə maneələr törədirdim. 

Bəzi sürücülər ucadan siqnal verib məndən yoldan tez çəkilməyimi tələb etdilər. Yaşlı bir adam isə “belə yol­larda neçə-neçə piyadanı maşın vurub, ehtiyatlı ol qı­zım!” – dedi. 

Bir az irəlilədikdən sonra “insaflı” sürücülərin də oldu­ğunu gördüm. Onlar piyada­lar üçün, təxminən, beş-on santimetrlik yer saxlamışdı­lar. Güclə də olsa, oradan keçib mənzil başına yetdim.

Arzu edirəm ki, bu yazı­mın azca da olsa, bir faydası olsun. Bəlkə, bundan sonra səkilərdə maşın saxlayanlar öz səhvlərini anlayarlar. 

Amma çətin...

Leyla HADİ,
tələbə-jurnalist,
Elşən AĞALAR, (foto)
XQ