Rusiyalı məşhur qastroenteroloq Rüstəm Sadıqov hər kəsə yemək menyusuna sarımsaq, qoz və qatıq əlavə etməyi məsləhət görüb.
Həkim bildirib ki, qoz böyük miqdarda E vitamini, faydalı yağ turşuları ilə, sarımsaq antibakterial alisinlə zəngindir. Qatıq isə həzm prosesini və ümumi əhvalı yaxşılaşdırır.
Sadıqov deyib ki, xüsusilə, sarı, qırmızı və narıncı rəngdə olan kök, boranı, şirin bibər, ərik, manqo və şaftalı yemək daha çox fayda verir.
Bundan başqa, həkim immuniteti yüksəldən çay içməyi də məsləhət görür. Çayın tərkibindəki katexin (antioksidant flanovoid) maddəsi orqanizmi zədələnmələrdən qoruyur. Antibakterial effekt yaratmaq üçün çaya zəncəfilin əlavə edilməsini daha məqsədəuyğun hesab edir.
Qeyd edək ki, R.Sadıqov bir müddət əvvəl süd məhsullarının mədə qıcqırması zamanı nəinki müalicəyə kömək etdiyini, əksinə, əks - təsir etdiyini sübut etmişdir.
Z.HÜSEYNLİ, “Xalq qəzeti”
.jpeg)
