Pedaqogika elmləri doktoru, professor Zəhra Muradovanın ulu öndərin 100 illiyinə və Şuşaya həsr olunmuş “Heydər Əliyev və Qarabağ”, “Şuşa hər daşı, hər qayası tarix”, “Şuşadan Qoruya gedən yol”, “Sağlamlıq və sənətkarlıq ocağı Şuşa” kitablarının Şuşada təqimatı keçirilib.
Təqdimat mərasimində Azərbaycan elminin dəyərli alimləri, “Şuşa” qəzetinin baş redaktoru Vasif Quliyev, tədqiatçı jurnalist Səadət Qarabağlı, PTV (Pley TV), Youtube kanalının təsisçisi Pərvanə İskəndərova Zəhra Muradovanın əsərləri haqqında danışdılar. Azərbaycan Respublikasının Prezidenti yanında Dövlət İdarəçilik Akademiyasının professoru Havva Məmmədova, Şərq musiqisinin gözəl bilicisi, XIX əsr Azərbaycan şairi Mirzə Ələsgər Növrəsin kötükcəsi Tərlan Növrəsli, kulturoloq Şahin Rəcəbli, Almaniya Türk muzeyinin Azərbaycan nümayəndəsi Anar Rzayev və digərləri də yeni əsərləri dəyərləndirdilər.
Sonda təqdim olunan kitabların müəllifi, professor Zəhra xanım Muradova tədbir iştirakçılarına minnətdarlıq edərək Qarabağ mövzusunda daha çox əsərlərin yazılıb dünyaya yayılmasının vacibliyini vurğuladı.
Tədbir Şuşaya həsr olunmuş mahnılar və romanslarla başa çatdı.
“Xalq qəzeti”
