“Facebook” sosial şəbəkəsində maraqlı statusları ilə diqqət çəkən istifadəçilərdən biri Sumqayıtda yaşayan ziyalı Hümbət Həsənoğludur. Qəzetimizin bu rubrikasında onun müxtəlif mövzularda qələmə aldığı bir neçə statusunu vermişik. Hümbət Həsənoğlu ixtisasca həkim-oftalmoloqdur, eyni zamanda Azərbaycanda və Türkiyədə aforizmlərdən ibarət bir neçə kitabı nəşr olunub. Bu gün onun maraqlı bir müşahidəsini oxuculara təqdim edirik: 

“Yapon turistlərini xaricdə çox gör­müşəm. Onları digərlərindən bir xüsu­siyyət fərqləndirir. Qrupun önündə ge­dənin əlində mütləq yapon bayrağı olur. Öyrəndim ki, yaponlar hara gedirlərsə, o yerə yaxşı bələd olan, yerli dili bilən qabağa düşüb yapon bayrağını əlinə götürür. Hamı da anlayır ki, bayraq hə­mişə yerli dili və marşrutu bilən insanın əlindədir. Təkcə səfərlərdə deyil, Yapo­niyanın özündə də bu qayda əsasdır: lazım olanı bilən önə keçirilir. Bu sadə yanaşma ilə yaponlar bütün sahələrdə öndədirlər”. 

Göründüyü kimi, söhbət məhz kimin flaqman olmasının vacibliyindən, həm­çinin dövlət bayrağının hər yerdə təbli­ğindən gedir. Bu baxımdan yaponların qeyd edilən xüsusiyyəti nümunə sayıla bilər. 

Rəhmətlik Şəhriyar da uğur düsturu sayılan bu sadə həqiqəti nəzərdə tu­taraq deyirdi ki, avropalılar işi işibilənə tapşırdıqları üçün öndə gedirlər. 

Təqdim etdi:
Ə.NƏCƏFXANLI, “Xalq qəzeti”