Xudat şəhərində Nizami Gəncəvi parkı əsaslı şəkildə təmir olunub. İki hektara yaxın istirahət obyektində dahi şairin heykəli ucaldılıb, abidənin ətrafına güllər əkilib.
Parkda 2.5 min kvadratmetr sahəyə tamet düzülüb, yaşıllıq salınıb, yeni oturacaq qoyulub, fəvvarə və müasir işıqlandırma sistemi quraşdırılıb. İstirahət ocağında müxtəlif idman qurğuları və uşaqlar üçün attraksionlar fəaliyyət göstərir.
Xatırladaq ki, əvvəllər parkın baxımsız vəziyyətə düşməsi sakinlərin haqlı narazılığına səbəb olurdu. 15 İyun–Milli Qurtuluş Günü Nizami parkında geniş konsert proqramı olacaq.
“Xalq qəzeti”