“Azərbaycan Xəzər Dəniz Gəmiçiliyi” QSC-nin (ASCO) təşkilatçılığı ilə ümummilli lider Heydər Əliyevin və görkəmli elm xadimi, akademik Zərifə Əliyevanın anadan olmasının 100 illiyinə həsr edilmiş “Əbədi sevgi” adlı tədbir təşkil olunub.
Mərasimdə “Prezident Heydər Əliyev” tankeri və “Zərifə Əliyeva” gəmi-bərəsinin göyərtələrində Xalq artisti Nəzakət Teymurovanın ifa etdiyi “Küçələrə su səpmişəm” xalq mahnısına çəkilmiş videoklip nümayiş edilib.
Tədbirdə ASCO-nun təşəbbüsü ilə hazırlanmış “Prezident Heydər Əliyev” tankerinin və Ro-Pax tipli “Zərifə Əliyeva” gəmi-bərəsinin poçt markaları da təqdim olunub. ASCO-nun sədri Rauf Vəliyev poçt markalarının möhürlənməsi prosedurunu həyata keçirib.
Tədbir çərçivəsində ASCO-nun sifarişi ilə yazılmış “Ulu Öndər Heydər Əliyev və Milli Gəmiçilik Siyasəti" kitabının təqdimatı da olub.
“Xalq qəzeti”
.jpg)
.jpg)
.jpg)
.jpg)