NASA kainatdakı ürpədici böyüklükdə olan 10 qara dəliyin yeni animasiyasını yayımlayıb. Videogörüntüdə Günəşdən dəfələrlə böyük olan kosmik “canavarların” ağlasığmaz miqyası nümayiş etdirilib.
Göründüyü kimi, belə qara dəliklərin nəhəng ölçüləri Günəşin kütləsindən 100.000 milyardlarla dəfə dəyişir.
Animasiyada qalaktikanın müxtəlif yerlərində yerləşən cəmi 10 irihəcmli qara dəlik qeyd olunub. Onların arasında Günəşin ölçüsündən 4 milyon dəfə böyük olan “Sagittarius A” da yer alıb. Bu nəhəng qara dəlik ilk dəfə keçən il aşkar edilib.
“Hubble” kosmik teleskopu vasitəsilə ərsəyə gələn görüntünün nümayişi bizə fövqəlkütləli qara dəliklərin füsunkar ölçüsünü və kainatın miqyasını daha yaxşı başa düşməyə imkan verir. “Gələcəkdə bu sirli obyektlər haqqında kəşf edəcəyimiz yeniliklər bizim üçün çox həyəcanvericidir”, – deyə NASA əməkdaşları qeyd edib.
Aytən NƏCƏFOVA, “Xalq qəzeti”