Ümummilli lider Heydər Əliyevin 100 illik yubileyinə həsr olunmuş beynəlxalq minifutbol turnirində qrup mərhələsi başa çatıb.
A qrupu çərçivəsində Azərbaycan yığması son oyununu Serbiya komandasına qarşı keçirib. Matçda qolsuz bərabərlik qeydə alınıb. Beləliklə, Azərbaycan millisi yer aldığı A qrupunu 8 xalla üçüncü pillədə başa vurub.
Xatırladaq ki, yığmamız ilk oyunda Çexiya ilə də qolsuz heç-heçə etmişdi. Daha sonra İtaliya və Gürcüstan seçmələrinə 2:0 hesabı ilə qalib gəlmişdi.
Komandamız bu gün pley-off oyununda digər qrupun ikincisi olan Fransa ilə üz-üzə gələcək. Bu cütün qalibi isə yarımfinalda Qazaxıstanla oynayacaq.
