O, 1997-ci ildə şairlər yurdu Şamaxıda dünyaya gәləndə adını Nazim (“Nəzm yazan”) qoyublar. Uşaqlıqdan poeziyaya, ədəbiyyata marağı olub. Ara-sıra şeirlər yazaraq dostlarına oxuyub. 2015-ci ilin oktyabr ayında Milli Ordu sıralarına hәqiqi hәrbi xidmәtә çağırılıb. Yola düşəndə isə sevdiyi “naməlum” qıza ünvanladığı şeirdə ona: “Sən mənim qəlbimdə nübar payımsan”, – deyərək yolunu gözləməsini istəyib.
Haqqında söhbət açdığımız Nazim Zəkarayev Silahlı Qüvvələrin Quru Qoşunlarında qulluq edib. 18 yaşı olan şair qəlbli əsgər Tərtər–Ağdərə istiqamətindəki təmas xəttində döyüş tapşırıqlarını şərəflə yerinə yetirib. Sanki, şəhid olacağı ürəyinə damıbmış kimi, bir şeirində yazıb:
Böyüyә, kiçiyә hörmәt elәdim,
Allaha inandım, niyyәt elәdim.
Altı ay Vәtәnә xidmәt elәdim,
Torpaqdan yaranıb, torpağa döndüm.
2016-cı ilin aprel ayında erməni işğalçılarının növbəti dəfə atəşkəs rejimini pozması səbəbindən başlanan şiddətli atışma zamanı Nazim qəhrəmancasına şəhid olub. Şeirlәri әsgәr gödәkçәsinin cibindәn çıxıb. Ölümündәn sonra Azәrbaycan Prezidenti İlham Əliyevin sәrәncamı ilә3-cü dәrәcәli “Hәrbi xidmәtdәfәrqlәnmәyәgörә” medalı ilәtәltif edilib.
Qismətinə Azərbaycan Yazıçılar Birliyinə üzv qəbul olunmaq, ilk şeirlər kitabını buraxdırmaq düşməsə də, ən gözəl misralarını ürəyinin qanıyla yazıb.
Şamaxı şəhərindəki Şəhidlər xiyabanında onun dəfn mərasiminə minlərlə şəhər sakini, qulluq etdiyi hərbi hissənin əsgərləri və zabitləri də qatılıb. Avtomatlardan açılan yaylım atəşləri altında nəşi uğrunda can verdiyi torpağa tapşırılıb.
Şəhid şair Nazim Zəkarayevin bir şeirini oxuculara təqdim edirik.
MƏNİ GÖZLƏYƏRSƏN GƏLƏNƏ KİMİ?
Dözəbiləcəksən, bilmәyәcәksәn,
Adımı qәlbindәn silmәyәcәksәn?
İl yarım üzümü görmәyәcәksәn,
Mәni gözlәyәrsәn gәlәnә kimi?
Adını qәlbimә şirin yazmısan,
Sәn mәnim qәlbimdә nübar yazımsan.
Ömrüməhavatək, sutək lazımsan, -
Bunu bilmәyirdin dünәnә kimi.
Gedirәm düşmәndәn kamımı alım,
Torpağımı alım, qanımı alım.
Şәhid oğlanların yanında qalım,
Göylәrdә Allahım bilәnә kimi!
Əli ƏLİYEV, “Xalq qəzeti”