Artıq uzun müddətdir özünü radikal erməni diasporunun muzdlu carçısına çevrilmiş “Freedom House” 2024-cü il iyulun 1-də növbəti anti-Azərbaycan hesabat dərc edib. Sənəddə heç bir əsas olmadan Azərbaycanın Qarabağ bölgəsindən ermənilərin Ermənistana köçüb getməsi hüquq pozuntusu kimi qələmə verilir.

Bu barədə Qərbi Azərbaycan İc­masının bəyanatında bildirilir ki, Er­mənistandan və vaxtilə işğal edilmiş Azərbaycan torpaqlarından bir milyona yaxın azərbaycanlının zorla qovulması­na göz yuman “Freedom House” təşki­latının belə böhtan xarakterli hesabatı yayması bu qurumun ölkəmizə qarşı açıq qərəzinin və destruktivliyinin sü­butudur. 

Açıqlamanın davamında deyilir: “Bu hesabatın sifarişçiləri regionda sülhə mane olmaq və ədavəti qızışdırmaq məqsədi güdürlər. Bir daha geniş icti­maiyyətə xatırladırıq ki, vitse-prezident Anni Boyacıyan daxil olmaqla, çox­saylı radikal erməni funksionerlərinin kök saldığı “Freedom House”un insan hüquqlarının qorunması ilə heç bir əlaqəsi yoxdur və bu təşkilat tamamilə irqçi düşüncəli dairələrin təsirinə düş­müşdür”.

XQ