Azərbaycan islamofobiyanın qarşısını almaq üçün çox mübarizə aparır. Məhz buna görə də islamofobiya ilə mübarizə kontekstində Azərbaycan mütəmadi olaraq belə forumlar təşkil edir.
Bu sözləri AZƏRTAC- a açıqlamasında Bakının ev sahibliyi etdiyi “Müxtəlifliyin qorunması: 2024-cü ildə islamofobiya ilə mübarizə” mövzusunda beynəlxalq konfransın iştirakçısı, İslamabad Siyasi Araşdırmalar İnstitutunun prezidenti Raza Muhammad deyib.
O, bu konfransın islamofobiya ilə mübarizəyə mühüm töhfələr verəcəyinə əmin olduğunu ifadə edib.
Raza Muhammad belə mötəbər konfransın təşkil edilməsinə görə bütün iştirakçılar adından Azərbaycan dövlətinə minnətdarlığını bildirib.
.jpg)
