Dünən Qərbi Azərbaycan İcması “Ermənistandan didərgin salınmış azərbaycanlıların təhlükəsiz və ləyaqətli şəkildə geri qayıdışını təmin etmək: Qlobal kontekst və ədalətli həll” mövzusunda beynəlxalq konfrans keçirib. 

“Azərbaycanlıların Ermənistandan zorla köçürülməsi: tarixi və miqyası” mövzusunda keçirilmiş panel iclasda çıxış edən QAİ-nin sədrinin müavini, Milli Məclisin deputatı Ramil Həsən Qa­yıdış Konsepsiyasının məqsəd və hə­dəfləri barədə məlumat verib. 

Türkiyə Böyük Millət Məclisinin üzvü Şamil Ayrım Ermənistandan zorla köçürülmüş azərbaycanlıların qayıdış hüququna dəstəyini bildirərək, İcma­nın sülhsevər yanaşmasını təqdir edib. AMEA-nın elmi işçisi Nazim Mustafa, ADA Universitetinin əməkdaşı Maksim Qoən, Ankara Universitetinin professo­ru Yıldız Bozkuş, ABŞ-nin Şimali Karo­lina Universitetinin professoru Əli Əs­gər azərbaycanlıların Ermənistandan zorakı üsullarla qovulması və soyqırı­ma məruz qalması mövzusunda mə­ruzələrlə çıxış ediblər.

“Qayıdış hüququ və repatriasiya: Hüquqi və siyasi çərçivə” mövzusun­da keçirilən ikinci paneldə çıxış edən Yunanıstanın Saloniki Universitetinin hüquq fakültəsinin dekanı Panayotis Qlavinis, İtaliyanın Peruca Universiteti­nin əməkdaşı Daniel Pommier Vinçelli, İtaliya İnsan Hüquqları Federasiyasının prezidenti Antonio Stanqo, Tirana Jur­nalistika peşəkarlığı Mərkəzinin icraçı direktoru Krisafi Ledion çıxışlarında dünyada köçkünlük problemi və qayı­dış hüququ mövzularına toxunublar.

“Qayıdış hüququ: nailiyyətlər və praktikada çətinliklər” adlı sonuncu paneldə çıxış edən İndoneziya Üləma Şurasının Beynəlxalq Əlaqələr Komis­siyasının sədri Səfir Bunyan Saptomo, “Ortaq Gələcəyə Malik İcma” Pakistan Araşdırma Mərkəzinin icraçı direktoru Xalid Taymur Əkrəm, “Əlcəzair-2” Uni­versitetinin professoru Çakib Benhafri, İordaniya Nazirlər Kabinetinin media müşaviri Mohammed Salah Al Malkavi, Rusiyanın “BRICS və Şanxay Əmək­daşlığı Təşkilatı” İnnovativ Diplomatiya Mərkəzinin baş direktoru Nina Ladıqi­na-Qlazunova, Macarıstanın Dövlət Qulluğu Universitetinin əməkdaşı Zol­tan Eqeresi müxtəlif regional konteks­tlərdə qaçqınlıq və məcburi köçkünlük və geri qayıtma halları barədə mə­ruzələrlə çıxış ediblər. 

Tədbirdə Qərbi Azərbaycan İcması­nın yekun nitqi ilə çıxış edib. 

Yekunda Müşahidə Şurasının sədri, professor Misir Mərdanov diqqətə çat­dırıb ki, Ermənistandan didərgin salın­mış azərbaycanlıların qayıdış hüququ­nun təmin edilməsi sülh və ədalətin bərqərar olması üçün mühüm şərtdir. 

Konfransda Azərbaycandan və 30-dan çox xarici ölkədən 100-dən ar­tıq millət vəkili, ekspert və digər tanın­mış şəxslər iştirak ediblər.

XQ