Lefkoşa Şimali Kipr Türk Cümhuriyyəti ilə Azərbaycan arasında münasibətlərin inkişafından çox məmnundur.

Bu barədə ŞKTC-nin Prezidenti Ersin Tatar Lefkoşaya Türkiyə Silahlı Qüv­vələrinin Kiprdə sülhməramlı əməliyya­ta başlamasının 50-ci ildönümünə həsr olunmuş təntənəli tədbirlərdə iştirak et­mək üçün gələn Azərbaycan nümayəndə heyəti ilə görüşdə bildirib.

“ŞKTC-nin Şuşadakı Zirvə görüşün­də müstəqil dövlət qismində iştirakı, Qarabağda digər türk dövlətlərinin bay­raqları ilə yanaşı dalğalanan bayrağı­mız bütün dünya ictimaiyyətinə verilən açıq-aydın mesaj oldu”, -deyə Tatar vur­ğulayıb.

Siyasətçi rəsmi Bakının Lefkoşa ilə əlaqələrin dəstəklənməsinə dair mövqe­yini yüksək qiymətləndirib. “Türkiyə və Azərbaycanın dəstəyi mövqelərimizi gücləndirir. Kipr türklərinə yaxın müna­sibətinə görə Prezident İlham Əliyevə səmimi-qəlbdən minnətdaram”, -deyə ŞKTC-nin Prezidenti bildirib.

Xatırladaq ki, görüşdə Azərbaycan–Türkiyə parlamentlərarası qrupun rəh­bəri Əhliman Əmiraslanov, millət vəkilləri Musa Quliyev, Fatma Yıldırım, Hikmət Babaoğlu və Diasporla İş üzrə Dövlət Komitəsi sədrinin birinci müavini Valeh Hacıyev iştirak ediblər.