Azərbaycanda keçiriləcək növbədənkənar prezident seçkilərini beynəlxalq təşkilatların müşahidəçiləri də izləyəcək. Beynəlxalq müşahidəçilər sırasında GUAM-ın nümayəndələri də var. Qurumun katibliyindən vereilən məlumata görə, təşkilatın müşahidə missiyası fevralın 7-də Azərbaycanda keçiriləcək növbədənkənar prezident seçkilərini izləyəcək.
Beş nəfərdən ibarət olacaq nümayəndə heyətinə GUAM-ın Baş katibi Altay Əfəndiyev, Ukrayna Ali Radasının deputatları Svyatoslav Yuraş, Mixail Papiyev, Gürcüstan parlamentinin deputatı David Matikaşvili və GUAM Katibliyinin proqram koordinatoru Teymuraz Kiladze daxildir.
GUAM-ın müşahidə missiyası səsvermədən sonra seçkinin nəticələrinə dair hesabat yayacaq.
Əliqismət BƏDƏLOV
XQ
