Milli Kosmik Siyasət kosmik sektorun milli iqtisadiyyata töhfəsini artırmaq və kosmik agentliklərin regional və beynəlxalq mövcudluğunu təşviq etmək məqsədi daşıyır.
Siyasət ölkələrin kosmik sənayesi və 2030-cu ilə qədərki illər üçün fəaliyyətləri, o cümlədən kosmosla bağlı hökumət fəaliyyəti, kommersiya fəaliyyətləri, dövlət və özəl sektorlar, akademik institutlar, tədqiqat və inkişaf mərkəzləri tərəfindən həyata keçirilən elmi fəaliyyətlər üçün ümumi çərçivəni müəyyən edir.
Bu barədə oktyabrın 2-də Heydər Əliyev Mərkəzində keçirilən “SPACE 2030: QLOBAL Kosmos İqtisadiyyatında Siyasət və Strategiyalar” mövzusunda sessiyada bildirilib.
Sessiyanın moderatoru “Azərkosmos”un sədr müavini Dunay Bədirxanov iştirakçılara Azərbaycan Kosmik Agentliyinin (Azərkosmos) İdarə Heyətinin sədri Saməddin Əsədov, İsrail Kosmik Agentliyinin direktoru Uri Oron, Türkiyə Kosmik Agentliyinin (TUA) prezidenti Serdar Hüseyin Yıldırım və Qazaxıstanın rəqəmsal inkişaf, innovasiya və aerokosmik sənaye nazirinin müavini Malik Oljabekov barədə məlumat verib.
Azərbaycan Kosmik Agentliyinin İdarə Heyətinin sədri Saməddin Əsədov bildirib ki, kosmos ekosistemində, kosmik iqtisadiyyatda əhəmiyyətli imkanlar təqdim edir, kosmos elmi və texnologiyasının DİM-lərinin (Davamlı İnkişaf Məqsədlər) həyata keçirilməsinə kömək etmək üçün əvəzsiz alətlər kimi istifadəsinə töhfə verir.
Panel müzakirələri kosmik məsələlərlə bağlı yaranan siyasət müzakirələrini əhatə edəcək və kosmos ekosistemində problemlərin və dəyişikliklərin effektiv həlli üçün hökumətlər, sənaye və özəl sektor, akademik və cəmiyyət arasında dialoqu dəstəkləmək və təşviq etmək üçün maraqlı tərəflərlə əlaqəni davam etdirəcək.
Azərbaycan 2030-cu ildə Aya və Marsa missiya göndərməyi planlaşdırır
Azərbaycan son 10 ildə kosmik sahənin inkişafına 600 milyon dollar investisiya yönləndirib.
Bu sözləri "SPACE 2030: Qlobal Kosmos İqtisadiyyatında Siyasət və Strategiyalar" mövzusunda sessiyada çıxışında Azərbaycan Kosmik Agentliyinin İdarə Heyətinin sədri Saməddin Əsədov deyib.
Sədr qeyd edib ki, bu gün İsrail ilə kosmik peykin orbitə çıxarılması ilə bağlı bağlanan müqavilə ilə yanaşı, Azərbaycan hökuməti kosmos proqramını davam etdirəcək.
S.Əsədov sonra bildirib ki, Azərbaycan Aya və Marsa 2030-cu ildə missiya göndərməyi nəzərdə tutur.
Serdar Hüseyin Yıldırım: “IAC-2023” bütün kosmik insanları birləşdirən mötəbər platformadır
Ölkəmizin nailiyyətlərini bu Konqres və sərgidə nümayiş etdirməkdən şərəf duyuruq. Bakıda keçirilən Beynəlxalq Astronavtika Konqresi (“IAC-2023”) sözsüz ki, qardaş ölkəmiz Azərbaycanda, dünyanın hər yerindən olan “Bütün kosmik insanları birləşdirən” mötəbər platformadır.
Bu sözləri Türkiyə Kosmik Agentliyinin prezidenti Serdar Hüseyin Yıldırım deyib.
TUA prezidenti bildirib ki, “IAC-2023”ün sponsoru olmaq TUA üçün Türkiyənin ən sürətlə inkişaf edən şəhərlərindən olan Antalyada “IAC-2026”ya ev sahibliyi etmək öhdəliyimizi təsdiqləmək üçün bir şansdır.
XQ