Şuşa Qlobal Media Forumunda iştirak edən “TRT World”ün müxbiri Oubay Şahbandar Qarabağda gördükləri ilə bağlı bildirib:
– Bu, mənim Şuşaya ilk səfərimdir. Hərbi müxbir olaraq 44 günlük müharibədən dərhal sonra Qarabağa səfər etmək imkanımız oldu. Bu ərazilərdə aparılan yenidənqurma işlərini görmək və Azərbaycan hökumətinin nümayəndələrindən onların buraları bərpa etmək niyyətində olduqlarını eşitmək çox xoşdur.
Bir jurnalist kimi Qarabağdakı faktların şahidi olmaq və reallığı yerində dərk etmək üçün buraya səfərə gəlmək baş verənləri dünyadakı izləyicilərimizə çatdırmaq baxımından əla fürsətdir. Eləcə də Şuşada baş verənlər dünya üçün olduqca maraqlıdır.
“Xalq qəzeti”