Gənclər və idman naziri Fərid Qayıbov MINEPS VII konfransı ilə əlaqədar ölkəmizdə səfərdə olan UNESCO nümayəndə heyətini qəbul edib.
Nazir MİNEPS VII konfransına hazırlıq işləri barədə qonaqları məlumatlandırıb. UNESCO-nun sosial və humanitar elmlər üzrə baş direktonun müavini Qabriela Ramos Azərbaycanda olmaqdan məmnunluğunu qeyd edib.
Görüşdə MINEPS VII konfransının ölkəmizdə keçirilməsinin əhəmiyyəti qeyd olunub və təşkilati işlərin başa çatdığı bildirilib. Konfransın proqramında əks olunan məsələlər, o cümlədən də “Fit for life” layihəsinin əhəmiyyəti barədə fikir mübadiləsi aparılıb.
