Türkiyənin “Ulusal” kanalında yayımlanan “Azərbaycan rüzgarı” proqramının növbəti buraxılışı xalqımızın ümummilli lideri Heydər Əliyevin anadan olmasının 100 illiyinə həsr olunub.

Azərbaycan Diasporuna Dəstək Fon­dunun dəstəyi ilə Türkiyənin “Ulusal” ka­nalında yayımlanan populyar proqramın bu buraxılışında ulu öndər Heydər Əliyevlə bərabər, onun ömür-gün yoldaşı, akade­mik Zərifə Əliyevanın 100 illik yubileyi də qeyd olunub. Veriliş boyu iki böyük şəxsiy­yət haqqında video çarxlar göstərilib. 

Proqramın qonağı olan soydaşları­mız – məşhur balabançı Əlixan Səmədov, müğənni Elgün Quliyev, türkiyəli müğənni Kırgız Başar, musiqiçi Günel Şahin Adı­gözəl öz ifaları, “Dastanların rəqsi” qrupu isə oyunları ilə verilişə milli ruh və yüksək estetik əhval gətiriblər.

Proqramın müəllifi və aparıcısı telejur­nalist, İstanbul Universitetinin doktorantı Səidə Ömər bildirdi ki, Azərbaycan xalqı­nın ümummilli liderinə və dünya şöhrətli oftalmoloquna həsr olunmuş veriliş qar­daş ölkədə çox böyük maraqla qarşılandı və sosial şəbəkələrdə də izlənməkdədir.

Mehparə SULTANOVA,
“Xalq qəzeti”

Ankara