İran dənizdə hərəkətdə olan gəmiləri vuran və səsdən 8 dəfə iti uçan “hipersəsli ballistik raket” yaratdığını elan edib. Bu barədə İran SQ Baş Qərargahının başçısı general Məhəmməd Bakıri bildirib. Məlumatı “Anadolu” verib. 

ABŞ və İsrail isə İranın nüvə silahı əldə etməsinə mane olmaq üçün əlaqəli təd­birləri gücləndirmək barədə razılaşıblar. ABŞ Prezidentinin milli təhlükəsizlik üzrə müşaviri Ceyk Sallivan, İsrailin strateji planlaşdırma naziri Rona Der­mer və İsrail Milli Təhlükəsizlik Şurasının başçısı Tsaxi Xa­neqbinin iştirakı ilə Vaşinqton­da keçirilmiş ABŞ-İsrail strateji məsləhət qrupunun iclasının nəticələri ilə bağlı bəyanat­da bildirilir ki, vəzifəli şəxslər İranın nüvə proqramındakı tərəqqini böyük narahatlıq­la təhlil edərək, təhlükəsizlik sahəsində çoxillik tərəfdaşlığın möhkəmləndirilməsi üzrə ümu­mi məqsədlərini təsdiq ediblər.

Tərəflər həm də ABŞ və İsrail ordularının birgə təliminin nəticələri, gələcəkdə təhlükə­sizliyin və İsrailin Yaxın Şərq regionuna siyasi inteqrasiya­sının dərinləşdirilməsi ilə bağlı məslələri müzakirə ediblər.

Paşa ƏMİRCANOV, “Xalq qəzeti”