Prezident İlham Əliyev 22 iyul 2022-ci il tarixli sərəncamı ilə təsdiqlədiyi “2022–2026-cı illərdə sosial-iqtisadi inkişaf Strategiyası”da dəyişiklik edib. Dövlət başçısı bununla bağlı yeni sərəncam imzalayıb. Sənədə əsasən, 2026-cı ilin sonuna ümumi dövlət borcunun ÜDM-də payının 30 faizi, o cümlədən xarici dövlət borcunun 10 milyard ABŞ dollarını üstələməməsi qarşıya mühüm vəzifə kimi qoyulub.
Xatırladaq ki, indiyə qədər hədəf 2026-cı ilin sonuna ümumi dövlət borcunun ÜDM-də payının 20 faiz, o cümlədən xarici dövlət borcunun ÜDM-də payının isə 10 faiz ətrafında saxlanılması idi.
“Xalq qəzeti”
