Yerli istehsalın stimullaşdırılması məqsədilə vergiödəyicilərinə müvafiq vergi güzəştləri tətbiq edilib.
Dövlət Vergi Xidmətindən bildirildiyinə görə, Vergilər Məcəlləsinə əsasən, siyahısı müvafiq icra hakimiyyəti orqanının müəyyənləşdirdiyi qurum tərəfindən təsdiqlənən idxal mallarını yerli istehsal malları ilə əvəzləyəcək qida (ərzaq) məhsullarının istehsalını həyata keçirən hüquqi və fiziki şəxslər həmin fəaliyyətdən əldə edilən mənfəətin (gəlirin) 50 faizi miqdarında mənfəət–gəlir vergisindən 7 il müddətinə azaddırlar.
Eyni zamanda, həmin fəaliyyət prosesində istifadə olunan əmlak vergisindən– müvafiq siyahının təsdiq edildiyi ildən etibarən 7 il müddətinə, həmin fəaliyyət prosesində istifadə olunan torpaqlara görə isə torpaq vergisindən 7 il müddətinə gəlir vergisindən azad olunub.
“Xalq qəzeti”
