Respublikada barama istehsalı mövsümü başa çatmaq üzrədir. Bu il Azərbaycanın 41 rayonunda barama tədarük olunur. İndiyədək kümçülər tədarük məntəqələrinə 328 ton barama təhvil veriblər.
Artıq bəzi rayonlarda barama tədarükü başa çatıb. 2023-cü ildə respublika üzrə ən çox təbii ipək xammalı Zərdab rayonunda tədarük olunub. Zərdablı kümçülər tədarük məntəqələrinə 52,865 ton barama təhvil veriblər. Ağcabədi (34,326 ton), Zaqatala (27,865 ton), Balakən (27,855 ton), Bərdə (20,982 ton), Tərtər (14,475 ton), Füzuli (10,361 ton), Lənkəran (9,818 ton), Sabirabad (9,287 ton), Ağdam (9,157 ton) və Yevlax (8,425 ton) ən çox barama tədarük edən rayonlardır.
Kümçülərlə imzalanan müqaviləyə əsasən, istehsal olunmuş barama müvafiq qurum tərəfindən 5 manata təhvil alınacaq, dövlət isə istehsal olunan hər kiloqram baramaya görə kümçülərə 6 manat subsidiya ödəyəcək.
“Xalq qəzeti”
