Lionel Messi ABŞ-ın “İnter Mayami” klubunun tarixinə düşüb. Belə ki, argentinalı hücumçu klub tarixində 50 qol vuran ilk oyunçu olub.
Bu, klublararası dünya çempionatınnın II turunun A qrupunda baş tutan “Portu” ilə oyundan (2:1) sonra reallaşıb. Argentinalı futbolçu görüşün 54-cü dəqiqəsində cərimə zərbəsindən fərqlənib. Bu, Messinin “İnter Mayami”nin heyətində 50-ci qolu olub.
Qeyd edək ki, ABŞ klubunun bombardirləri siyahısında Luis Suares (33) ikinci, Leonardo Kampana (32) üçüncüdür.
M.HACIXANLI
XQ
